Ra’isul Wasaarihii hore ee dalka Pakistan ayaa loo taxaabay xabsi , kaddib markii ciidamo aad u hubeesan ku weereen xarun maxkamad uu ku sugnaa, ciidamada ayaana garba duub u xiray siyaasigan saameynta badan ku leh dalka Pakistan.
Imran Khan ayaa maanta hortagay maxkamad lagu qaadayay kiisas dacwado la xariira musuq maasuq iyo kuwa kale, waxaana xilli uu afaafka hore ee maxkamadda ku sugnaa Imran Khan awood u adeegsaday ciidamo aad u hubeesan oo xabsiga u taxaabay.
Ciidamada xiray Ra’isul Wasaaraha adalka Pakistan ayaa ahaa kuwa aad u hubeesan oo watay gaadiiska gaashaamaan, lamana yaqaan ilaa hadda goobta rasmiga ah ay ciidanka ku xireen Imarn Khan.
Ra’isul Wasaarihii hore ee dalka Pakistan oo xilka laga tuuray bishii April ee sannadkii hore ayaa tan iyo xilligaasi waday abaabulka dibad baxyo ka dhan ah dowladda, waxaana marar badan lagu guul dareestay in lasoo xiro.
Xafiiska Shabakada Allbanaadir.com
Muqdisho Somalia
Allbanaadir@live.com
