Xildhibaanad Ilhaan Cumar oo ka tirsan Aqalka Kongareska Mareykanka ayaa sheegtay in nacaybka Islaamka gudaha Mareykanka uusan hoos u dhicin, tan iyo markii uu talada Mareykanka qabtay, madaxweynihii hore Donald Trump, oo dhowr jeer xildhibaanadda ay hadallo kulul is weydaarsadeen.
Ilhaan Cumar ayaa haalkan jeedisay xili ay booqatay Masaajidka Al-Raxma ee magaaladda Minneapolis ee gobolka Minnesota, oo dhawaan dab la qabadsiiyey dabaqiisa ugu sareeya.
Waxaa la xiray ninkii falkaasi ka dambeyay kaasi oo sidoo kale horey isugu dayeyey masaajid kale in uu gubo.
Ilhaan Cumar ayaa xustay in markii masaajidkan la weeraray ay sheegtay in loo baahan yahay in la garab istaago masaajidka isla markaana shakhsigii dhibka gaystay ay tahay in maxakamad la soo taago.
Waxay intaa ku dartay in hadda laga shaqeynayo sharci lagu difaacayo goobaha cibaadada.
Ninka loo xiray gubidda dhismaha masjidka, ayay Ilhaan sheegtay in sidoo kale waraaqo hanjabaado ah uu soo gaarsiyay xafiiskeeda.
Xafiiska Shabakada Allbanaadir.com
Muqdisho Somalia
Allbanaadir@live.com
