Ra’isul wasaaraha Xukuumadda Soomaaliya Mudane Xasan Cali Khayre ayaa ku booqday Hoygiisa Madaxweynihii hore ee soomaaliya Mudane Xasan Sheekh Maxamuud oo shalay dalka dib ugu soo laabtay dalka.
Khayre ayaa Madaxweynihii hore ee Soomaaliya Xasan Sheekh Maxamuud uga warbixiyay Xaaladda guud ee Dalka iyo guulaha lagu talaabsaday.
Kulanka labada masuul ayaa la sheegay inuu ahaa mid salaam iyo isxog wareysi ku kooban, iyadoo wararilo ku dhow kulankaas ay sheegeen in lagu balamay kulamo kale.
Xasan Cali Khayre ayaa ka mid ahaa shaqsiyaadka sida aadka ugu dhow dhow Madaxweyne Xasan Shiikh xiligii uu talada dalka hayey, waana saaxiibo hore ee meelo badan ka soo wada shaqeeyey
Dowladda Federaalka Soomaaliya ayaa shalay soo dhoweyn heer sare ah u sameysay Madaxweynihii hore Xasan Sheekh Maxamuud, iyadoo wafdi wasiirro ah oo uu hoggaaminayay Wasiirka Amniga ay ku soo dhaweeyeen garoonka diyaaradaha ee Magaalada Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
