Ciidanka Milatariga Soomaaliya ee ku sugan degmada Baardheere ee gobolka Gedo ayaa howlgal ay sameeyeen waxa ay gacanta kusoo dhigeen dagaalyahano katirsan Al Shabaab sida ay baahisay Warbaahinta dowlada.
Howlgalka ay ciidamada Milatariga sameeyeen ayaa la sheegay in lagu soo qabtay koox katirsan Amniyaadka Al Shabaab ee dilalka ka fuliya Degmada Baardheere iyo koox kale oo iyana Al Shabaab u qaabilsaneyd qaraxyada.
Taliyaha ururka 49-Aad guutada 10-Aad ee ciidanka Xoogga Dalka Faarax Maxamed Turbac ayaa Warbaahinta dowlada u sheegay in ciidanka Milatariga gacanta ku dhigeen shabakado dilalka iyo qaraxyada u qaabilsanaa Al Shabaab oo ku dhuumaaleesanayay Baardheere.
Ciidanka Milatariga Soomaaliya ee ku sugan gobolka Gedo ayaa marar badan Warbaahinta waxa ay u sheegeen in ay dileen sidoo kale qabteen saraakiil iyo dagaalyahano katirsan Al Shabaab .
Xafiiska Shabakada Allbanaadir.com
Muqdisho Somalia
Allbanaadir@live.com
