Wasiirkii hore ee wasaaradda Arrimaha dibadda xukuumadii Ra’isul Wasaare Rooble , sidoo kalena soo noqday lataliyaha amniga Qaranka ee Madaxweyne Farmaajo Mudane Cabdi Siciid Muuse Cali ayaa xil sare looga magacaabay hay’ad fadhigeedu yahay dalka Togo.
Siyaasigan saaxiibka dhow la ahaa mar la ahaa Madaxweyne hore Farmaajo ayaa loo magacaabay in uu noqdo  Guddoomiyaha Madasha Nabadda iyo Amaanka Lome ee fadhigeeda weyn ku yaalo Dalka Togo.
Madashan guddoomiyaha looga dhigay Cabdi Saciid ayaa  qabata Shirarka iyo doodaha dowlad wanaagga, dimuqraadiyadda, hababka kala guurka Dowladaha Afrika, waxa ay sidoo kale qabataa kulamo looga doodo ammaanka,nabadda, isbeddelka dowladaha Afrika.
Cabdi Siciid Guddoomiyaha Madasha Nabadda iyo Amaanka Lome ayaa katirsanaa xukuumaddii Ra’isul Wasaare Maxamed Xuseen Rooble, waxaana xusid mudan in Rooble xilka ka qaaday Cabdi Saciid oo lagu eedeeyay musuq maasuq in uu sameeyay.
Xafiiska Shabakada Allbanaadir.com
Muqdisho Somalia
Allbanaadir@live.com
