Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamse Cabdi Barre ayaa magacaabay xubno wasiirro ah oo ka bannaanaa xukuumadiisa.
.Ra’iisul Wasaare Xamse ayaa u magacaabay Xildhibaan C/kariin Cabdow Xeydar Wasiiru dowlaha Wasaaradda Gaadiidka iyo Duulista Hawada, waxaa xilkan horay isaga casilay Xildhibaan Maxamed Cali Cumar Caananuug.
Sidoo kale Axmed Jaamac Cumar ayaa loo magacaabay Wasiir kuxigeenka Wasaaradda Gaadiidka iyo Duulista Hawada oo uu baneeyay Sulub Axmed Firin, kaddib markii loo magacaabay Taliyaha Booliska Soomaaliyeed.
Wareegtada Ra’isul Wasaaraha ayaa u qorneed sida tan:
Ra’iisul Wasaaruhu markuu arkay:
Qodobka 97aad faqradiisa 3aad e Dastuurka KMG.
Qodobka 98aad faqradiisa 2aad Xar. A&B ee Dastuurka KMG.
Qodobka 100aad Xarfaha A, B iyo C ee Dastuurka KMG.
Howlaha baaxadda leh ee horyaala Xukuumadda JFS.
Markuu tixgeliyay:
Talada Madaxweynaha JFS
Markuu garowsaday:
Baahida loo qabo magacaabidda Xubnahan Golaha Wasiirrada JFS, wuxuu magacaabay:
1. Mudane Cabdikariim Cabdow Xaydar – Wasiiru-Dowlaha Wasaaradda Gaadiidka iyo Duulista Hawada
2. Mudane Axmed Jaamac Cumar – Wasiir ku-xigeenka Wasaaradda Gaadiidka iyo Duulista Hawada
Ra’iisul Wasaaruhu wuxuu kula dardaarmay in xilkooda u gutaan si waafaqsan Dastuurka, ummadda Soomaaliyeedna ugu adeegaan si ay ku dheehan tahay Alle ka cabsi iyo masuuliyad.
Mudane Xamse ayaa u rajeeyay in Eebbe uu ku asturo masuuliyadda culus ee loo igmaday.
–DHAMMAAD—
