Qarax miino ayaa maanta ka dhacay gobolka xeebta ee dalka Kenya ee Lamu, kaasoo lala beegsaday baabuur ay leeyihiin ciidamada amniga dalkaas.
Booliska ayaa sheegay inay jiraan khasaare ka dhashay qaraxaasi oo isugu jira dhimasho iyo dhaawac. Waxayna shaaciyeen dhimashada ugu yaraan 5 askari, iyadoo dowladda Kenya ay ku eedeeysay Mas’uuliyadda Weerarkaasi Al-Shabaab.
Qaraxa ayaa qabsaday gaari ay saarnaayeen Ciidamo ka tirsan dowladda Kenya, waxaana gubtay guud ahaan gaariga uu qaraxi haleelay.
Gobolka xeebta Kenya ee Lamu ayaa mudooyinkan ahaa meel ay ku soo badanayaan weerarada Al-shabaab, waxaana degaano ka tirsan gobolkan horey uga dhacay qaraxyo khasaare xoogan u geystay ciidamada Kenya.
Xafiiska Shabakada Allbanaadir.com
Muqdisho Somalia
Allbanaadir@live.com
