Ra’iisul wasaare Kuxigeenka dalka Saalax Jaamac oo ay wehliyaan xubno kamid ah golaha wasiirada, guddomiyaha gobalka Banaadir iyo Taliyaha ciidanka Boliiska ayaa xalay kormeer ku sameeyay saameyntii ka dhalatay roobkii ka da’ay magaalada Muqdisho.
Masuuliyiintan dowladda katirsan ayaana kormeer ku sameeyay qeybo kamid ah magaalada Muqdisho gaar ahaan xaafadaha uu saameynta badan ku yeeshay roobkii da’ay , waxa ayna qiimeyn ku sameenayeen khasaaraha uu roobka geestay.
Inta ay kormeerka wadeen masuuliyiinta dowladda katirsan ayaa waxa ay tageen biyo dhigeenno ku yaala degmooyinka Wadajir, Waaberi, Howlwadaag iyo Warta Nabadda, iyada oo dadka danyarta ah durba lala gaaray booyado biyaha bixiya iyo raashin ay sii isticmaalaan.
Xukuumadda Federaalka ah ee Soomaaliya iyo maamulka gobolka Banaadir ayaa wado qorshe ballaaran oo wax loogu qabanayo dadka ku waxyeeloobay roobabka shakay da’ay iyo istiraatiijiyad looga hortagayo soo noqoshada dhibaato noocan ah.
Xafiiska Shabakada Allbanaadir.com
Muqdisho Somalia
Allbanaadir@live.com
