Soomaalida ku nool gobolka Ohio ayaa soo dhaweeyey taageerna u muujiyey Ismail Mohamed oo ah Musharax u ordaya Xildhibaanka laga soo doorto xaafada 25aad ee Columbus oo ah Magaalada labaad ee Soomaalida ugu badan ee dalka Mareykanka ay ku noolyihiin.
Xaafadda 25 ee magaalada Columbus waa xaafada Soomaalidu ku badan tahay waxaana in muddo xildhibaan ka ahaa dadyow kale oo ay Soomaalida codkooda siin jireen.
Hase ahaatee xiligan waxay arintaasi u muuqataa in laga gudbayo ka dib markii Musharax Ismail Mohamed oo Soomaali ah uu xilkaas isku soo taagay.
Ismail Mohamed ayaa maanta la hadlay aqoonyahano, waxgarad ururka haweenka iyo ardayda wax ka barato Ohio isagoo ka waramay hadafkiisa ku aadan xaafada 25aad, wuxuuna weydiistay codkooda iyo taageeradooda.
Waa markii ugu horeysay Soomaalida ku nool Magaalada Columbus ay sameeyaan dedalkaan oo kale.
Sidoo kale Ismail Mohamed waa sharci yaqaan wax ku bartay Ohio State University oo doonaya inuu qeyb ka noqdo Maamulka gobolkan.
Xafiiska Shabakada Allbanaadir.com
Muqdisho-Somalia
Allbanaadir@live.com
