Wararka ka imaanaya magaalada Berbera ee maamulka Somaliland ayaa sheegaya in guri kuyaalla magaaladaasi uu kusoo dumay qoyskii deganaa, waxaana ka dhashay khasaaro isugu jira dhimasho iyo dhaawac guriga dumay.
Dadka deegaanka ayaa ku waramay in guri qadiimi ah oo in muddo ahna aan helin dayac-tir kusoo dumay qoyskii deganaa, waxaana gurigaasi dumay ku geeriyooday hal qof, halka tiro kalana lasoo bad baadiyay soona gaareen dhaawacyo kala duwan.
Guriga soo dumay ayaa la sheegay in ay ku baxeen una gurmadeen dadkii uu ku dumay oo isku qoys ahaa dadka dariska, waxaana lagu guuleestay in qaar kamid ah dadka guriga ku dumay in lasoo bad baadiyo oo la geeyo xarumo caafimaad.
Ciidamada dab-damiska maamulka Somaliland ayaa mar dambe gaaray guriga soo dumay, waxaana hooshii ciidamada ee gurmadka iyo bad-baadada inta badan qabtay dadkii dariska la ahaa guriga soo dumay.
Xafiiska Shabakada Allbanaadir.com
Muqdisho Somalia
Allbanaadir@live.com
