Madaxweyne Joe Biden ayaa Talaadadii ku dhawaaqay inuu u tartamayo mar kale doorashada 2024, waxaana uu sheegay inuu doonayo ‘inuu dhammeystiro shaqo qabyo ah’ sida uu ku sheegay muuqaal uu soo dhigay Twitter-kiisa.
“Jiil kastaa wuxuu leeyahay waqti ay u istaagaan dimuqraadiyadda, si ay ugu istaagaan xorriyaddooda aasaasiga ah, waxaan u maleynayaa inay taasi tahay annaga, waana sababta aan ugu tartamayo inaan mar kale noqdo madaxweynaha Mareykanka. nagu soo biir. Aan dhammeystirno shaqada,” ayuu Biden ku yiri muuqaal uu baahiyay.
Madaxweyne Joe Biden ayaa Talaadadii bilaabay ololihiisa doorashada dib-u-doorashada isagoo ballan-qaaday inuu ka ilaalinayo xorriyadda Mareykanka xagjiriinta ee xiriir la leh madaxweynihii hore ee Donald Trump, kaasoo uu kaga adkaaday doorashadii 2020 lagana yaabo inuu mar kale wajihi doono 2024.
Biden waxa uu ku dhawaaqay muuqaal si xamaasad leh loo soo saaray oo ay sii daayeen kooxdiisa cusub ee ololaha kaasoo ku furmay sawirro laga soo qaaday Jan. 6, 2021, weerarkii Aqalka Cad ee Maraykanka ee taageerayaasha Trump.
“Markii aan u tartamayey madaxweynaha afar sano ka hor, waxaan idhi waxaan ku jirnaa dagaal nafta Ameerika ah, welina waan ku jirnaa,” ayuu yiri Biden. “Xilligan ma ahan waqti la is raalligelin karo, waana sababta aan mar labaad isu soo sharraxayo.”
“Aan dhammeyno shaqadan, waan ogahay inaan awoodno,” ayuu yidhi.
Waxa uu ku tilmaamay siyaasadaha Jamhuuriga kuwo khatar ku ah xorriyadda Maraykanka, waxa uu wacad ku maray in uu la dagaallami doono dadaallada lagu xaddidayo daryeelka caafimaadka haweenka
Biden, oo 80 jir ah, waa in uu ka gudbo welwelka dadka Mareykanka ee ku saabsan da’diisa si uu mar kale ugu guulaysto doorashada, iyadoo 44% Dimuqraadiyiinta ay sheegeen in uu aad uga da’ weyn yahay inuu isa soo sharaxo,.
Trump oo 76 jir ah ayaa sidoo kale wajahaya walaac ku saabsan da’diisa iyadoo 35% Jamhuuriga ay sheegeen inuu aad u da’ weyn yahay.
Ra’yi ururinta ayaa muujisay in badi codbixiyayaasha diiwaangashan aanay doonayn in Biden ama Trump midkood uu mar kale isa soo sharaxo.
In kasta oo oggolaanshaha Biden uu aad u hooseeyo, kaaliyeyaashiisu waxay ku kalsoon yihiin inuu mar kale garaaci karo Trump.
Xafiiska Shabakada Allbanaadir.com
Muqdisho Somalia
Allbanaadir@live.com
