Waxaa xalay magaalada Muqdisho ku geeriyooday sargaal katirsanaa ciidanka milatariga Soomaaliya, sargaalkan ayaana la sheegay in uu u dhintay dhaawac culus oo kasoo gaaray weerar gaadmo ah oo lagu qaaday.
Kuxigeenkii madaxa hogganka howlgalinta Ciidnaka Xoogga Dalka Soomaaliyeed Cabdi Casiis Maxamed Maxamuud ayaa u geeriyooday dhaawac la sheegay inay u geesteen xubno katirsanaa kooxda Al Shabaab.
Wasaaradda gaashaandhigga Soomaaliya ayaana saakay marxuumka lagula dukaday salaada janaasada , waxaana lagu aasay qabuuraha ciidanka xoogga dalka ee kuyaalla gudaha isbitaalka Xogga.
Wasiirka Gaashaandhigga Xfs Mudane Cabduqaadir Maxamed Nuur Taliye kuxigeenka Ciidanka Xds Saraakiil ciidan ayaa ka qeyb galay salaada janaasada ee lagu dukuday marxuum Cabdi Casiis oo ahaa sargaal muhiim u ahaa milatariga Soomaaliya.
Saraakiil badan oo dhallinyaro ahaa kana tirsanaa ciidanka qaranka ayaa ku geeriyooday dagaalo ka dhacay gudaha dalka iyo weeraro gaadmo ah, waxaana saraakiishan la dilay door weyn ku lahaayeen milatariga Soomaaliya.
Xafiiska Shabakada Allbanaadir.com
Muqdisho Somalia
Allbanaadir@live.com
