Madaxweynaha Ruushka Vladimir Putin iyo Amiirka Boqortooyada Sacuudiga Maxamed bin Salmaan ayaa yeeshay wadahal dhinaca telfoonka ah, waxa ayna labada masuul kawada hadleen arrimo badan oo muhiim u ah labada dal iyo caalamka.
Dowladda Ruushka ayaa sheegay in Putin iyo Maxamed Bin Salmaan si gaar ah uga wada hadleen heshiiska OPEC+ ee lagu xaddidayo soo saarista shidaalka iyo in xasillooni lagu soo dabbaalo suuqa shidaalka adduunka.
Labada masuul ayaa sidoo kale inta wadahadalka u socday isla soo qaaday xoojinta xiriirka labada dal iyo in uu sii jiro iskaashiga ka dhaxeeya labada dal gaar ahaan dhinaca wax soo saarka shidaalka .
“Wadahadalku wuxuu u socday hab saaxiibtinimo leh, wuxuu ahaa mid wax dhisaya oo warbixin lagu kala qaatay. Waxaa la isku raacay in la dhiso xiriirro meelo gaar ah oo iskaashi ah,” ayaa lagu yiri warka Ruushka kasoo baxay.
Ururka Waddamada Dhoofinta Shidaalka (OPEC) ayaa dhawwaan ku dhawaaqay hoos u dhac dheeri ah oo soo saarista bartoolka ah, taas oo ku dhow 1.16 milyan oo fuusto maalinkii, taasoo aheyd tallaabo lama filaan ah.
Xafiiska Shabakada Allbanaadir.com
Muqdisho Somalia
Allbanaadir@live.com
