Dagaalyahano aad u hubeesan oo katirsan Al Shabaab ayaa saakay weerar culus oo ku bilowday qaraxyo ku qaaday saldhig ciidanka dowladda iyo kuwa deegaanka kaga sugnaayeen deegaanka Masagawaay ee gobolka Galgaduud.
Weerarka ayaa la sheegay in juu bilowday qaraxyo ismiidaanin ah , waxaana qaraxyada kaddib xerada weerar toos ah ku qaaday dagaalyahano aad u hubeesan oo katirsan kooxda Al Shabaab .
Dagaal culus ayaa ka dhacay deegaanka Masagawaay ee gobolka Galgaduud, waxaana wararka soo baxaya sheegayaan in ciidanka dowladda iyo kuwa deegaanka dagaal adag kala hortgaeen Shabaabkii soo weeraray.
Saraakiil katirsan Al Shabaab oo la hadlay warbaahinta taageerta ayaa sheegay in ay la wareegeen saldhigii ay weerareen iyo guud ahaan deegaanka Masagawaay, waxa ay sidoo kale sheegeen in halkaasi ku dileen askar badan.
Weerarkan ayaa imaanaya xilli maalmo kahor weerar kale oo aad u xoogan Al Shabaab ku qaadeen deegaanka Bud-bud ee gobolka Galgaduud, waxa ayna Al Shabaab dagaalkaasi ku qabsadeen deegaanka iyaga oo sidoo kale dilay askar badan.
Xafiiska Shabakada Allbanaadir.com
Muqdisho Somalia
Allbanaadir@live.com
