Deegaannada iyo degmooyinka ay dalka ka joogaan kooxda Al Shabaab ayaa maanta si weyn looga ciiday, waxaana saraakiil iyo dagaalyahano badan oo katirsan kooxdaasi goobo fagaare ah kula dukadeen dad shacab ah.
Magaalada Jilib ee gobolka Jubada Dhaxe ayaa kamid ah goobaha sida weyn maanta looga ciiday, waxaana fagaare kuyaalla magaaladaasi kuwada dukaday saraakiil katirsan kooxda Al Shabaab iyo dad badan oo shacab ah.
Saraakiisha Al Shabaab ee shacabka fagaaraha kula dukaday waxaa kamid ahaa Sheekh Max’med Abuu Cabdalla oo ah guddoomiyaha cusub ee Al Shabaab u magacawday gobolada Jubooyinka.
Fagaarayaasha lagu ciiday qaarkood ayaa Al Shabaab kusoo bandhigeen mahrajaano iyo dhoolo tusyo ay sameenayeen dagaalyahanadooda, waxaa sidoo kale goobahaasi isugu soo baxay carruur badan oo astaanta Al Shabaab madaxyada loogu xiray.
Xafiiska Shabakada Allbanaadir.com
Muqdisho Somalia
Allbanaadir@live.com
