Israel ayaa safaarad ka furaneysa magaalada Ashgabat ee dalka Turkmenistan oo ka mid ah dalalka Islaamka
Wasiirka arrimaha dibadda Israa’iil, Eli Cohen, ayaa galinka dambe ee maanta ku sii jeeda dalka Turkmenistan, si uu u furo safaaradda ay ku yeelanayaan dalkaas.
Waa safarkii ugu horreysay ee wasiir arrimo dibadeed oo Israa’iila, uu ku tago dalka Turkmenistan soddonkii sano ee la soo dhaafay.
Sida uu qoray wargeyska Times of Israel, safaaradda Israa’iil ee laga furayo magaalada Ashgabat, ayaa waxay ku taallaa qiyaastii labaatan kiilo mitir goob u jirta xadka dalka Iran.
Iran iyo Turkmenistan, ayaa waxay wadaagaan xuduud dhan 1,148 km. Xoogeysiga joogitaanka Israel ee Turkmenistan, ayaa laga yaabaa inay walaac ku abuurto dawladda Iran.
Israa’iil ayaa safiir ku lahayd Ashgabat muddo toban sano ah, balse ilaa hadda waxa uu arrimaha safaaradda ka maamulay xafiis ku meel gaar ah oo ku yaalla hoteel ku yaalla Ashgabat.
Xafiiska Shabakada Allbanaadir.com
Muqdisho Somalia
Allbanaadir@live.com
