Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa Aqalka Dowladda Hoose ee Xamar kulan kula qaatay wafdi ka socday bankiga adduunka.
Waxaa wafdigan hogaamineysay u-qeybsanaha Mashruuca Horumarinta Magaalooyinka ee Bangiga Aduunka Mrs Makiko Watanabe.
Kulankaan ayaa loogu hadlay Qorshaha horumarinta Caasimada, dhismooyinka Wadooyinka, Biyo qabadyada iyo Bulaacadaha.
Sidoo kale, waxaa looga hadlay kulankan sidii loogu wada shaqeyn lahaa horumarinta deegaanada aan rasmiga aheyn, si xal waara loogu helo Barakacayaasha.
Duqa Muqdisho Madaale ayaa sheegay in dowlada hoose ee Muqdisho ay ku dadaaleyso sidii ay u fulin laheyd qorshaha horumarinta caasimada balse ay jiraan caqabado badan.
U qeybsanaha Mashruuca Horumarinta Magaalooyinka Bangiga Aduunka Mrs. Makiko Watanabe ayaa iyana balan-qaaaday iney ka qeyb qaadan doonaan maalgelinta qorshaha caasimada lagu horumarinaayo, ayna xoojin doonaan wada shaqeynta maamulka gobolka Banaadir.
Xafiiska Shabakada Allbanaadir.com
Muqdisho Somalia
Allbanaadir@live.com
