Magaalada Jowhar waxaa lagu wadaa inuu ka dhaco saacadaha soo socda kulan muddo laga shaqeynayay oo iskugu iman doonaan xildhibanada Baarlamaanka Hirshabeelle, kulankaas oo lagu wado in lagu horgeeyo wasiirada magacaaban ee Maamulkaasi si loo ansixiyo.
Madaxweynaha Maamulka Hirshabeele Maxamed cabdi waare ayaa xalay illaa shalay waxaa uu si isdaba joog ah u waday kulamo gaar gaar ah oo uu la leeyahay xildhibaanada baarlamaanka Hirshabeelle si uu ugu ancinayo iney aqbalaan wasiirada uu soo dhisay.
Xildhibaan Maxamed Bashiir Qaasim oo kamid ah Xildhibanada baarlamaanka Hirshabeelle ee kulanka la qaatay Madaxweyna Waare ayaa sheegay inay madaxweynaha kala hadleen dhibaatooyin heystay xildhibaanada oo ay ka mid tahay mushaharkoda, ugu dambeyn la isla gartay in maanta ama beri Golaha wasiirada Hirshabeelle la horgeeyo baarlamaanka Maamulka si ay u ansixiyaan.
29-kii bishii Novembar ayaa Madaxweynaha Hirshabeele Maxamed Cabdi waare waxaa uu soo magacaabay Golahiisa wasiirada oo ka kooban 57 xubnood kuwaasoo qaarkood iscasileen sababo kala duwan awgood.
Xafiiska Shabakada Allbanaadir.com
Muqdisho-Somalia
Allbanaadir@live.com
