Allbanaadir.com
MUQDISHONEWS

Burcad dhac xeeladeysan ka waday degmo ka tirsan Xamar oo la qabtay (Sawirro)

Labo nin oo dhac ka geysanayey xaafado ka tirsan degmada Waaberi ee magaalada Muqdisho ayaa gacanta lagu soo dhigay saaka.

Soo qabashada burcadan ayaa ka dambeysay ka dib howlgal ay sameeyeen ciidanka Booliska saldhiga Waaberi oo helay cabasho ka timid dadka degaanka.

Labadan nin ayaa ku hubeysnaa bastoolad macmal ah iyo Toorey, iyagoo dhowr qofood ka dhacay telefanada gacanta.

“Alwaax sharooto lagu wareejiyay oo loo ekeysiiyay Bastoolad iyo Toorey ayey wateen si ay ugu dhacaan dadka xaafadda Maajo ee degmada Waaberi, dhowr Taleefan oo Niicle u badan ayey ku aruursadeen balse Booliska ayaa maanta soo qabtay” ayuu yiri sarkaal ka tirsan Booliska.

Burcada wax ku dhaca hubka macmalka ah ayaa mudooyinkan ku soo badanayey magaalada Muqdisho, kuwaasoo inta badan dadka ka qaata telefanada gacanta iyo waxyaabaha kale ee ay wataan.

Xafiiska Shabakada Allbanaadir.com
Muqdisho Somalia

Allbanaadir@live.com 

Related posts

Ciidan badan oo kasoo jeeda Beesha Murusade iyo Gaadiil dagaal oo Muqdisho ka baxay (Sawirro)

Cabdi Cade

Kheyre ”Doorasho ayaa dalka ka dhici jirtay afartii sanaba mar nuucey rabto ha ahaatee”

Cabdi Cade

Guddoomiye Filish oo qaabilay Mrs. Jacqueline Saline iyo Wafdi la socday (Sawirro)

Caydiid Ali
Taboola Ads ---