Guddoomiyaha Aqalka Sare ee Baarlamaanka Jamhuuriyadda Federaalka Soomaaliya, Mudane Cabdi Xaashi Cabdullaahi, ayaa maanta xafiiskiisa ku qaabilay madaxa hay’adda Socdaalka Adduunka (IOM Somalia) Farantz Celestin.
Guddoomiyaha iyo madaxa IOM Soomaaliya ayaa ka wada hadlay arrimo muhiim ah oo ku saabsan hawlaha hay’addu ka wado Soomaaliya iyo kor u qaadista taageerada ay siiso shacabka Soomaaliyeed.
Waxay si gaar ah uga wada hadleen wada-shaqaynta Aqalka Sare iyo in guud ahaan mashaariicda horumarineed ee ay ka taageeraan Soomaaliya lagu saleeyo arrimaha mudnaanta u leh hay’adaha dowladda.
hay’adda Socdaalka Adduunka ayaa Soomaaliya ka taageerta dhinacyo badan ay kamid tahay taageerida qaxootiga Soomaaliyeed iyo sidoo kale soo celinta dadka Soomaaliyeed ee ku dhibaateesan qaar kamid ah waddamada Caalamka.
Xafiiska Shabakada Allbanaadir.com
Muqdisho Somalia
Allbanaadir@live.com
