Wasiir ka tirsan Xukuumadda Uganda ayaa xabsiga loo taxaabay kadib markii lagu soo oogay dacwad la xiriirta fadeexad xatooyo kumanaan biro ah iyo Jiingado.
Agabkan ayaa la sheegay in loogu tala galay bulshooyinka saboolka ah ee gobolka waqooyi-bari ee Karamoja, waxaana bixiyay dowlada Ugandha.
Mary Goretti Kitutu Kimono oo ah Wasiirka gobolka, ayaa maxkamad ka sheegtay in aanay wax dambi ah gelin balse waxaa loo diiday in xabsiga laga sii daayo iyadoo weli baaritaano ay ku socdaan.
Ugu yaraan 10 kale oo mas’uuliyiin sarsare ah kana tirsan dawladda ayaa lagu eedeeyay inay hayaan qaar ka mid ah jiingadaha la xaday.
Sida uu sheegay kormeeraha guud ee dowladda Waxaa ka mid ah madaxda la tuhunsan yahay Madaxweyne ku-xigeenka, Ra’iisul Wasaaraha, Guddoomiyaha Baarlamaanka iyo xubno kale.
Xafiiska Shabakada Allbanaadir.com
Muqdisho Somalia
Allbanaadir@live.com
