Ciidamada Israa’iil ayaa qaaday weerarro dhanka cirka ah oo aargoosi ah kuwaasoo ay ka geysteen goobo ku yaalla magaalada Qaza iyo koonfurta Lubnaan.
Talaabadan ayey ciidamada Israel sheegeen iney jawaab u tahay in ka badan soddon gantaal oo lagu riday woqooyiga Israa’iil, kuwaasoo ka yimid Koofurta Lubnaan oo ay gacanta k heyso kooxda Xisbullah ee Iran taageerto.
Kooxaha hubeysan ee Falastiiniyiinta ee ku sugan Qaza oo iyagana weerarkaasi ka falcelinaya ayaa gantaalo ku garaacay koonfurta Israel.
Ra’iisul wasaaraha Israa’iil, Benjamin Netanyahu, ayaa goor sii horreysay shaaca ka qaaday in cadawga dalkiisa uu cawaaqib adag la kulmi dooni.
Hoggaamiyaha Xamaas, Ismail Haniya, oo ku sugnaa Lubnaan markii gantaallada la ridayay ayaa carrabka ku adkeeyay in Falastiiniyiintu “aysan gacmaha isa saaran doonin” oo ay ka dhiidhin doonaan gardarrada Israa’iil.
Xafiiska Shabakada Allbanaadir.com
Muqdisho Somalia
Allbanaadir@live.com
