Ciidamada booliiska ee ka howlgala degmada Hodan ayaa howlgal ay xalay ka sameeyeen waaxda Octobar ee degmada Hodan kusoo qab qabtay dhallinyaro la sheegay in ay ahaayeen ciyaal weero.
War kasoo baxay taliska booliiska qeybta gobolka Banaadir ayaa lagu sheegay in ciidamada gacanta ku dhigeen afar dhallinyaro ciyaal weero ahaa , kuwaa oo ay sheegeen in dhibaato ku hayeen bulshada degmadaasi ku dhaqan.
Dadka deegaanka ayaa booliiska u gudbiyay dacwad ka dhan ah dhallinyaradan ciyaal weerada lagu eedeeyay, waxa ayna booliiska dabagal kaddib ku guuleesteen in ay gacanta ku dhigaan ciyaal weerada cabashada laga gudbiyay.
Booliiska gobolka Banaadir ayaana wada howlgalo ka dhan ah ciyaal weerada burcadka isku bedelay iyo kooxaha hubeesan ee dadka shacabka dhaca iyo dhibaatooyinka kalaba u geesta.
Xafiiska Shabakada Allbanaadir.com
Muqdisho Somalia
Allbanaadir@live.com
