Dagaal ayaa la soo sheegayaa inuu maanta degaano ka tirsan gobolka Bari ku dhexmaray ciidamada Puntland iyo kuwa kooxda Daacish ee fariisimaha ku leh buuraleyda gobolkaas.
War ka soo baxay taliska ciidanka difaaca Puntland gaar ahaan Qaybta 7-aad urur ka Onkod ayaa lagu sheegay iney cagta mariyeen saldhigyo ay lahaayeen Daacish
“Ururka Onkod ee ciidamada Difaaca Puntland ee ka howlgala degmada Balidhidin ee gobalka Bari ayaa cagta mariyey Talisyo dhowr ah oo ay ku dhuumalysanayeen kooxda argagixisada ah ee Daacish ee ku dhuumaalaysta Buuralayda Calmadow ee gobalka Bari”.ayaa lagu yiri qoraalka.
Waxaa sidoo kale qoraalka lagu sheegay in ciidamada Difaaca Puntland ay khasaare u geysteen kuwa Daacish.
“Kooxda Argagaxisada ah ee Daacish ayaa Howl galkan looga Gubay Gaadiid iyo Saanado kala duwan oo ay isticmaalayeen, waxaa sidoo kale la gaarsiiyey jab xoog leh oo kala ah dhimasho iyo dhaawacba” ayaa lagu yiri qoraalka ka soo baxay Ciidamada difaaca Puntland.
Ciidamada Difaaca Puntland ayaa asbuucyadii ugu banbeeyay laba jibbaaray howlgallada lagula dagaalamayo Kooxaha Daacish iyo Al Shabaab ee fariisimaha ku leh Buuralayda Golis iyo Cali Miskaad ee Gobalada Sanaag iyo Bari.
Xafiiska Shabakada Allbanaadir.com
Muqdisho Somalia
Allbanaadir@live.com
