Ciidanka booliiska Soomaaliya gaar ahaan qeybta gobolka Banaadir ayaa howlgal ay saakay sameeyeen kusoo qabtay nin shalay baangad ku dilay Imaam masaajid kuyaalla deegaanka Garasbaaley.
Ninka gacan ku dhiiglaha ahaa oo la sheegay in uu ahaa tabliiq ayaa baangad ku dilay imaamka masaahidka kuyaalla Garasbaaley halka uu dhaawacay mu’adinkii masjidka.
“Saaka abaara 06:00 subaxnimo ayaa ciidanka Boliiska saldhigga degmada warta Nabadda waxaa ay gacanta kusoo dhigeen Eedaysane gacan ku dhiigle ah oo lagu Eedeeyay in uu dil ugaystay imaamka masaajid ku yaala deegaanka Garasbaaleey, halka uu dhaawacay mu’adinkii masaajidka taariikh markay ahayd 29 /03/2023 Abaaro 7: 10AM” ayaa lagu yiri war kasoo baxay booliiska.
Taliska booliiska gobolka Banaadir ayaa sheegay in baaritaan lagu sameenayo sababta ninkan ku kaliftay in uu dilo Imaamka Masjid, waxa ayna cadeeyeen in ninkan maxkamad loo gudbin doono baaritaanka kaddib.
Xafiiska Shabakada Allbanaadir.com
Muqdisho Somalia
Allbanaadir@live.com
