Ra’isul Wasaaraha dalka Itoobiya Abiy Axmed ayaa loogu baaqay in xilka isaga dego, xilli ay xubno katirsan baarlamaanka Itoobiya su’aalo ka weediinayeen warbixinta lixda bilood ee wax-qabadka xukuumadda uu hoggaamiyo.
Xildhibaano katirsan baarlamaanka dalka Itoobiya gaar ahaan kuwa mucaaradka ayaa weediiyay Ra’isul Wasaare Abiy su’aalo kulul oo quseeya siyaasada, dhaqaalaha iyo arrimaha bulshada .
Mid kamid ah xildhibaannada Mucaaradka ee katirsan xisbiga ANM ee Amxaarada oo lagu magacaabo Kiristian Tadele ayaa Abiy Axmed weediiyay su’aalo adag, waxa uuna xildhibaankan ugu baaqay Ra’isul Wasaaraha in uu is casilo.
Ra’isul Wasaare Abiy Axmed oo ka hadlayay baaqa xidhibaanka ee ku aadanaa in uu xilka isaga dego ayaa sheegay, in baaqaasi micno badan yeelan lahaa haddii uu xildhibaanka codsan lahaa in xilka ka wada degaan saddex hay’adood ee ka kooban tahay dowladda.
”Su’aasha iyo baaqa xildhibaanka uu soo jeediyey ee ah ‘xilka ka dag’ waxay micno yeelan laheed hadii loo dhigi lahaa ‘seddexda hay’adood ee sharci filinta, sharci dajinta iyo dowladdaba xilka ha ka dagaan.” ayuu yiri Abiy Axmed.
Ra’isul Wasaare Abiy Axmed ayaa sheegay in doorashada dalka Itoobiya ay ka dhiman tahay muddo saddex sanno ah, waxa uuna tilmaamay haddii shacabka Itoobiya dib u dooran waayaan in ay xilka ka degayo isaga oo faraxsan.
Xafiiska Shabakada Allbanaadir.com
Muqdisho Somalia
Allbanaadir@live.com
