Ciidanka milatariga Soomaaliya gaar ahaan taliska qeybta 600aad ayaa maanta soo bandhigay Isxaaq Cabdiraxmaan Maxamed (Muscab) oo katirsanaa dagaalyahanada kooxda Al Shabaab , kaa oo isku soo dhiibay ciidanka dowladda.
War kasoo baxay taliska ciidanka milatariga qeybta 60-aad ayaa lagu sheegay in dagaalyahankan kahor inta uusan isa soo dhiibin xiriir lasoo sameeyay saraakiil katirsan ciidanka , sidaasna ugu suurto gashay in uu soo goosto.
Isxaaq oo Warbaahinta la hadlay ayaa waxaaa uu sheegay in sababta ku kaliftey in Al-Shabaab, isaga soo baxo ay tahay dhibaatada ay u geysaneyaan Shacabka aan waxba galabsan iyo dhibaatooyinka kale.
Waxa uu sheegay ninkan in muddo ah uu katirsanaa kooxda Al Shabaab gaar ahaan kooxda jabhadaha, waxa uuna xusay in uu kasoo qeyb qaatay dagaalo badan oo ka dhacay deegaanno kuyaalla maamulada Hirshabelle iyo Koonfur Galbeed.
Muddooyinkii lasoo dhaafay ayaa waxaa sii kordhayay dagaalyahannada Al Shabaab ee isku soo dhiibaya ciidanka dowladda ,kuwaa oo sheegayay in ay u adkeesan waayeen dhibaatooyin badan ay la kulmeen intii ay Al Shabaab katirsanaayeen.
Xafiiska Shabakada Allbanaadir.com
Muqdisho Somalia
Allbanaadir@live.com
