Xubin Al-Shabaab ka tirsanaa ayaa maanta isku soo dhiibay Ciidamada qeybta 60-aad ee xoogga dalka Soomaaliyeed ee ka howlgalla degaannada Maamulka Koonfur Galbeed Somalia.
Abshir Axmed Macalin ayaa ka tirsanaa qeybta ay Al-Shabaab ugu yeerto Jabhadaha, wuxuuna sheegay inuu ka soo dagaalamay qeybo kamid ah gobolka Bay oo ay ku sugan yihiin Ciidamada dowladda iyo kuwa Itoobiya.
Waxaa uu sheegay inuu u dul-qaadan waayey dhibaatada gudaha keymaha ku heysata Al-Shabaab iyo dhibaato uu sheegay iney ku hayaan shacabka aan waxaba galabsan
Wuxuu raggii kala tirsanaa Al-shabaab ugu baaqay inay isaga soo tagaan, isagoo xusay in si wanaagsan loo soo dhoweeyey isla markaana loo balan-qaaday daryeel wanaagsan iyo dhaqan celin inuu heli doono.
Maalmo ka hor ayey aheyd markii Dhure Yuusuf Garow oo magaciisa Afgarashada Al-shabaab uu ahaa (Hilaal) ayaa isku soo dhiibey isla Ciidanka Xoogga Dalka Soomaaliyeed Qeybta 60aad.
Xafiiska Shabakada Allbanaadir.com
Muqdisho Somalia
Allbanaadir@live.com
