Ra’iisul Wasaaraha XFS mudane Xamse Cabdi Barre oo ay wehliyaan Ra’iisul Wasaare ku xigeenka Mudane Saalax Jaamac iyo Guddoomiyaha Gobolka Banaadir Yusuf Xuseen Jimcaale ayaa u ambabaxay magaalada Baydhabo ee xarunta KMG ee Koonfur Galbeed.
Xamse Barre iyo wafdiga la socda ayaa Baydhabo u tagaya kaga qayb galka shirka Golaha Wadataashiga Qaranka ee lagu wado in magaaladaasi ka furmo.
Magaalada Baydhabo ayaa sidoo kale lagu wadaa in ay gaaraan madaxda dowlad goboleedyada dalka iyo sidoo kale madaxweynaha Soomaaliya Xasan Sheekh Maxamuud.
Shirka Wadatashiga Qaran ee ka furmaya magaalada Baydhabo ayaa looga hadli doonaa xaalada siyaasadeed ee dalka ,ammaanka iyo sidoo kale howlgalada ka dhanka ah Al Shabaab.
