Dowladda Soomaaliya ayaa mar kale sheegtay in ciqaab adag la marsiin doono cid kasta oo lagu helo in ay la shaqeyso ama garab u noqota kooxda Al Shabaab ee dagaalka kula jira dowladda federaalka.
Wasiir kuxigeenka wasaaradda Warfaafinta Soomaaliya Cabdiraxmaan Yuusuf Al Cadaalada ayaa sheegay in dowladda ka go’an tahay in ciqaab adag marsiiso dadka garabka siiya Al Shabaab, waxa uuna dadka uga digay in ay ka feejignaadaan dhagarta kooxdaasi.
”Dawladda, waxaa ka go’an in si adag loo ciqaabo cidkasta oo Khawaarij iyo Khawaarij kalkaal ah, sidaas awgeed waa in aan dhamaanteen ka feejignaano Dhagartooda kana dheeraano nooc kasta oo xiriirkooda ah, alle ayaa mahadsan.” ayuu yiri Al Cadaalada.
Hadalkan adag ee kasoo yeeray wasiirka ayaa imaanaya xilli saakay magaalada Muqdisho lagu toogtay saddex nin oo labo kamid ah ahaayeen saraakiil katirsanaa ciidanka dowladda, kuwaa oo si hoose ula shaqeenayay kooxda Al Shabaab qaraxyana u fududeeyay.
Xafiiska Shabakada Allbanaadir.com
Muqdisho Somalia
Allbanaadir@live.com
