Guddoomiye ku xigeenka koowaad ee Aqalka Sare, 𝐌𝐮𝐝𝐚𝐧𝐞 𝐂𝐚𝐥𝐢 𝐒𝐡𝐚𝐜𝐛𝐚𝐚𝐧 𝐈𝐛𝐫𝐚𝐚𝐡𝐢𝐦 oo uu wehliyay Guddoomiye ku xigeenka labaad, Mudane Cabdullaahi Cali Xersi (Timacadde) ayaa maanta shir guddoomiyay kalfadhiga labaad kulankiis 23-aad.
𝐀𝐣𝐚𝐧𝐝𝐚𝐡𝐚 kulanka ayaa ahaa, 1. ansixinta Xubnaha Guddiga Madaxabanaan ee Dib-u-eegista iyo Hirgelinta Dastuurka.
- Akhrinta Kowaad ee Hindise Sharciyeedka Dhowrist Xogta.
- Akhrinta Kowaad ee Hindise Sharciyeedka Socdaalka Soomaaliya.
- Akhrinta Labaad ee Hindise Sharciyeedka La-dagaalanka Argagixisada.
Ugu horrayn Sanatarada Aqalka Sare, ayaa guda galay ansixinta Xubnaha Guddiga Madaxa Bannaan ee Dastuurka oo uu golaha u soo gudbiyay Wasiirka Caddaaladda iyo Arrimaha Dastuurka XFS, kana codsaday in ay codka kalsoonida siiyaan, waxaana cod la geliyay kadibna lagu meel mariyay xubnihii Guddiga oo ay codka kalsoonida siiyeen soddon Sanatar ee kulanka maanta soo xaadirtay.
Intaas kadib ayaa laguda galay ajandayaasha kale ee kulanka, waxaana Golaha akhrinta 1-aad marsiiyay 𝐬𝐡𝐚𝐫𝐜𝐢𝐠𝐚 𝐃𝐡𝐨𝐰𝐫𝐢𝐬𝐭 𝐗𝐨𝐠𝐭𝐚 Wasiirka Boostada iyo Isgaarsiinta Jaamac Xasan Khaliif, halka Wasiir ku xigeenka Wasaaradda Amniga Gudaha Maxamed Cali Xagaa uu isna akhrinta koowaad marsiiyay 𝐬𝐡𝐚𝐫𝐜𝐢𝐠𝐚 𝐒𝐨𝐜𝐝𝐚𝐚𝐥𝐤𝐚 𝐒𝐨𝐨𝐦𝐚𝐚𝐥𝐢𝐲𝐚.
Ugu danbayn Sanatarrada Aqalka Sare ayaa dood dheer ka yeeshay sharciga La-dagaalanka Argagixisada, oo akhrintiisa labaad uu Golaha marsiiyay Senator Adam Abdinasir Guddoomiyaha Guddiga Amniga iyo Difaaca Aqalka Sare.
Golaha Aqalka Sare ee Baarlamanka Jamhuuriyadda Federaalka Soomaaliya, ayaa cod aqlabiyad ah ku ansixiyay Xubnaha Guddiga madaxa bannaan ee dib u eegista Dastuurka oo ka kooban 5 xubnood oo kala ah:
- Maxamed Xasan Idiris.
- Farxiya Muumin Cali.
- Burhaan Aadan Cumar.
- Axmed Maxamuud Jaamac.
- Maxamed Cabdalla Saalax.
Xafiiska Shabakada Allbanaadir.com
Muqdisho Somalia
Allbanaadir@live.com
