Gaari weyn oo nuuca xamuulka qaad ah oo waday birar iyo alaabo kale oo culus ayaa dardaray mooto bajaaj ay dad saarnaayeen, waxaana shilkan ka dhashay khasaaro isugu jira dhimasho iyo dhaawac .
Shilkan oo ka dhacay degmada Kaaraan ee gobolka Banaadir ayaa sababay geerida labo qof oo saarnaa mootada uu gaariga dardaray iyo dhaawaca qof kale, waxaana la sheegay in gaariga uu dul maray mootada.
Goobjoogayaal ayaa sheegay in ay adkaatay in meydadka lasoo saaro mootada maadaama uu jirkooda gogo’ay , waxaana aad looga deerinayaa xaalada qof kale oo ku dhaawacmay shilkan oo isbitaal loola cararay.
Masuuliyiinta maamulka degmada Kaaraan oo gaaray goobta shilku ka dhacay ayaa sheegay in gaariga leedahay mid kamid ah shirkadaha Muqdisho ka howlgala, waxa ayna sheegeen in baarista kiiskan booliiska la wareegeen.
Shilalka ay geestaan gaadiidka waa weyn ayaa kusoo badanaya magaalada Muqdisho, habeeno kahor ayaa sidaan oo kale gaari weyn oo xamuul siday jiiray mooto bajaaj, waxaana shilkaasi ku dhintay wiil dhallinyaro ahaa.
Xafiiska Shabakada Allbanaadir.com
Muqdisho Somalia
Allbanaadir@live.com
