Madaxweynaha Koonfur Galbeed Mudane Cabdicasiis Xasan Maxamed Laftagareen ayaa Tababar usoo xiray cutubyo ka tirsan Ciidanka Kumaandooska Daraawiishta Dowladda Koonfur Galbeed oo mudo Tababar ku qaadanayey Magaaladda Baydhabo ee Gobolka Baay.
Ciidamadan oo gaarayey boqolaal askari ayaa muddo dhowr bilood ah waxaa tababar siinayey saraakiil ka tirsan ciidanka Itoobiya ee ka tirsan ATMIS.
Madaxweyne Laftagareen ayaa ugu hambalyeeyey ciidanka tababarka ay qaateen, isagoo sheegay iney sugeyso gudashada waajibaadka ka saaran iney shacabkooda ka difaacaan, lana dagaalamaan wax uu ugu yeeray kooxaha argagaxisada ah.
Ciidamada tababarka loo xiray ayaa socod gaado ka cayaar ah ku soo bandhigay goobta ay ka dhaceysay Munaasabada, sidoo kale ciidamada ayaa soo bandhigay dhoolatus la xiriira tababaarada ay qaateen.
Ciidamadan ayaa la sheegay iney ka qeyb qaadan doonaan howlgalada ka dhanka ah Al-shabaab oo maamusha degaano badan oo ka tirsan Maamulka koonfur Galbeed sida ay ku warameen saraakiisha ciidankan.
Xafiiska Shabakada Allbanaadir.com
Muqdisho Somalia
Allbanaadir@live.com
