Xiriirka Kubadda Cagta Adduunka (FIFA) ayaa si rasmi ah u aqoonsatay Madaxweynaha Xiriirka Soomaaliyeed ee Kubadda Cagta Soomaaliya oo dhowaan loo doortay Cali Cabdi Maxamed (Cali Shiino).
Talaabadan FIFA ayaa soo afjartay khilaaf iyo isqabqabsi muddo dheer ka taagnaa doorashada hogaanka xiriirka Kubada cagta Somalia.
Khilaafkaas oo xalintiisa ay ku guuldareysteen Wasaarada Isbooriga DF iyo FIFA ayaa sababay in magaalada Muqdisho ay hal maalin ka wada dhacaan labo doorasho oo iska horjeeda ka dib markii xiriirka kubada cagta uu u kala jabay labo garab.
Doorashada ayaa siyaabo kala duwan ergooyin la soo xulay ugu kala doorteen Madaxweynaha xiriirka kubadda cagta Soomaaliya Xasan Aadan Xaaji Yabarow Wiish iyo Cali Cabdi Maxamed (Cali Shiine).
Hase ahaatee FIFA ayaa ugu dambeyn aqoonsatay doorashada Cali Shiine, waxaana sidaas ku hungoobay Xasan Aadan Xaaji Yabarow Wiish oo isna garabkiisu u doorteen gudoomiye kaasoo haatan ku soo dhacay meel cidlo ah.
Xafiiska Shabakada Allbanaadir.com
Muqdisho Somalia
Allbanaadir@live.com
