Allbanaadir.com
NEWS

Darawal gaari Xamuul oo xalay dil ka geestay Muqdisho oo lasoo qabtay (Sawirro)

Waxaa xalay shil dad badan ka naxeen uu ka dhacay inta u dhaxeysa Madaxtooyadii hore ee Cabdiqaasim iyo isgooska Tarabuunka ee magaalada Muqdisho, waxaana shilkaasi ku geeriyooday wiil dhallinyaro ah ,halka labo kalana ku dhaawacmeen.

Gaari nuuca xamuulka qaada ayaana jiiray mooto bajaaj ay saarnaayeen saddex wiil oo dhallinyaro ah, gaariga dilka geestay ayaana goobta isaga dhaqaaqay isaga oon u istaagin dadkii uu dhibaatada gaarsiiyay.

Ciidamada booliiska gobolka Banaadir ayaa howlgal ay sameeyeen kusoo qabtay darawalkii waday gaariga xamuulka ah ee jiiray mooto bajaajta, waxaana ninkan lagu xiray xarunta dambi baarista ee CID-da, halkaas oo lagu baarayo kiiskan.

Shilkan gaari ee sababay dhimashada iyo dhaawaca ayaa dhacay xalay abaaro 12:10 hameenimo, waxaana saacado qaadatay in la aqoonsado meydka wiilka dhallinyarada ah uu gaariga jiiray.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Wafdi ka socda dowlada Somalia iyo Q/Midoobay oo gaaray Beled-weyne (Sawirro)

Caydiid Ali

Al-Shabaab oo dib ula wareegay degmada Bacaadweyn & Ciidankii Galmudug oo..

Caydiid Ali

Mushaarka ay Qaataan Madaxda G/Banaadir iyo Shaqaalaha oo la jaangooyay (Halkan Akhriso)

admin
Taboola Ads ---