Koox Bastoolada ku hubeysan ayaa labo nin ku dishay Isgoyska Fagax ee magaalada Muqdisho halka ay dhaawaceen 2 kale.
Dadka degaanka ayaa la sheegayaa in goobta dilku ka dhacay ay aheyd goob lagu iibiyo Maandooriyaha.
Ragga la dilay ayaa kala ahaa Cabdifitaax oo ahaa milkiilaha goobta lagu iibinayey maandooriyaha iyo Abdi-Majiid Arab.
Si la mida subaxnimadii hore ee saaka degaanka Lafoole waxaa miina lagu xiray xarunta ugu weyn ee lagu iibiyo Sigaarka iyo waxyaabaha kale ee Hoos yimaado Maandooriyaha.
Waa markii 2aad oo 24 saac gudahood ay kooxo Bastooladley ah ku dilaan magaalada Muqdisho shaqsiyaad ku lug leh maandooriyaha.
Dilkii kan ka horreeyay oo ka dhacay degaanka Tabeelaha Sheekh Ibraahim waxaa mas’uuliyadiisa sheegtay Al-shabaab oo maalin ka hor u hanjabtay Ciyaal weerada iyo dadka ka ganacsada maandooriyaha.
Falalkan weli kama hadlin dowladda Soomaaliya oo horey ugu fashilantay inay xakameyso Maandooriyaha iyo Ciyaal weerada oo dhibaato xoogan ku haya qeybo ka mid ah magaalada Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
