Taliban ayaa soo bandhigay ciidamadooda sida gaarka ah u tababaran, Muuqaal la baahiyay ayaa muujinaya ciidamada sida gaarka ah u tababaran ee Afgaanistaan oo ku qalabeysan hubkii Mareykanka iyo NATO.
Waxaa hubkan kamid ah qoryaha ay ku dhaartaan ciidamada Mareykanka iyo NATO ee kala ah M4A1,M240, M249 iyo MK19.
Ciidankan oo loo bixiyey cutubka “Badri 313” waxaa loogu magac daray Dagaalkii Badar, kaasoo la aaminsan yahay inuu ahaa dagaalkii ugu horreeyay ee Islaamka ee dhacay sanadkii 2aad ee Hijriga ama 624 kaasoo uu amray Nebi Muxamed NNKH. Quraankana lagu sheegay.
Guutada ‘Badri 313’ ayaa dhammaantood wada wata dhar ka duwan kuwa kale xoogaga Taliban Guutada ay Taliban horay u soo bandhigtay agab xayaysiin ah, ayaa lagu soo waramayaa inay ka kooban yihiin Kumaandoos aad u tababaran oo ku qalabeysan qalab ciidan oo casri ah.
Meesha ay cutubkan ka heleen qalabkan ayaan la garanayn, waxayna u muuqataa isku darka agabka ciidamada Maraykanka ee ay adeegsadaan ciidamada Afgaanistaan, oo ay u badan tahay in la qabsaday markii ciidamada reer galbeedka iyo xulafadu ay dalka isaga baxeen.
Xafiiska Shabakada Allbanaadir.com
Muqdisho Somalia
Allbanaadir@live.com
