Qarax khasaaro geestay oo jugtiisa laga maqlay meelo badan ayaa xalay ka dhacay degmada Dharkeenley ee gobolka Banaadir, waxaana qaraxan la sheegay in uu ka dhacay goob ay joogeen askar katirsan ciidanka dowladda.
Sida aan wararka ku helnay qaraxa miino ayaa la dhigay goob maqaayad ah ay fadhiyeen askar katirsan ciidanka dowladda oo kutaalla xaafada Kaawa Godey, waxaa sidoo kale goobtaasi ku sugnaa dad kale oo shacab ahaa.
Inta la xaqiijiyay qaraxa miino ayaa sababay askari katirsaa ciidanka dowladda oo goobta ku sugnaa, waxaa sidoo kale qaraxa miino ku dhaawacmay saddex qof oo kale oo qaarkood xaaladooda laga deerinayo.
Al Shabaab ayaa sheegatay masuuliyada qaraxan ka dhacay degmada Dharkeenley, waxa ayna Al Shabaab shaaciyeen in qaraxan dhimasho iyo dhaawac uu kasoo gaaray askar katirsan ciidanka dowladda oo bar-tilmaameed u ahaa.
Xafiiska Shabakada Allbanaadir.com
Muqdisho Somalia
Allbanaadir@live.com
