Hay’adda Dowladda Raashiya ugu qaabilsan Duullimaadyada Dayax-Gacmeedyada Hawada Sare ee loo yaqaano ROSCOSMOS ayaa sheegtay in Qeybo aan ololin oo ka mid ah Dayax-Gacmeed laga lahaa dalkaasi oo Hawada Sare loo diray inuu ku hoobtay oo uu quusay Badweynta Pacific Ocean.
Dayax-Gacmeedka oo lagu magacaabo The Progress MS-21 waxa uu shalay oo Sabti ahayd ku degi waayey Saldhiga Caalamiga ee Hawada Sare (The International Space Station), iyadoo uu soo galay Hawada nagu hareeraysan, kadibna isagoo aan ololin, balse burburay ku hoobtay qeybta Go’doonsan ee aysan Maraakiibta marin ee Badweynta Pacific Ocean (sunk in the non-navigable section of the Pacific Ocean).
Engineerada Hay’adda Raashiya ee Hawada Sare (ROSCOSMOS) waxay sheegeen inay cillad ka jirtay qeybta Qaboojiyaha ee Dayax-Gacmeedka The Progress MS-21, taasi oo ugu dambayntii keentay in la go’doomiyo qeybaha aan ololin, kuna soo hoobtaan Badweynta Pacific Ocean.
Xafiiska Shabakada Allbanaadir.com
Muqdisho Somalia
Allbanaadir@live.com
