Sarkaal sare oo ka tirsan ciidamadda Xoogga dalka ee ku sugan degmada Beled xaawo ee gobolka Gedo ayaa la sheegay nin lagu dilay qarax miino.
Dhamme Maxamed Aweys ayaa ahaa taliyihii ururka 28-aad ee ciidamada xoogga dalka, waxaana qaraxan masuuliyadiisa sheegatay Al-shabaab.
Sarkaalkan ayaa saaxiib dhow la ahaa taliyihii NISA ee gobolka Gedo Bakaal Kooke oo sanadkii hore qarax lagu dilay.
Wararka qaar ayaa sheegaya in sarkaalkan qaraxa Miino ee lagu dilay loogu xiray sariirtii uu ku jiifay oo taalay xero ay baneeyeen ciidamadda Gorgor oo sarkaalkan la dilay uu ka ahaa taliye.
Xeradan ayaa amaankeeda aad loo ilaaliyaa iyadoo shacabka aan loo ogoleyn iney u dhawaadaan, dad badan ayaana isweydiinaya sida ay suuragal ku noqotay in xero sidaas loo ilaaliyo la geliyo qarax, laguna dilo taliyihii xukumayey.
Maamulka degmada Belad-xaawo iyo saraakiisha amaanka ayaa sheegay iney baarayaan qaraxan iyo sida miinada lagu dilay taliyaha xeradan.
