Dagaalo ayaa la soo sheegayaa iney saaka ka dhaceen Magaalada Laascaanood ee Gobolka Sool oo labadii cisho ee la dhaafay ay ka jirtay xaalad degan oo caga adag ku taagneyd
Goob joogayaal ayaa sheegaya in dhawaqa hubka culus iyo hugunka rasaasta noocyadeeda kala duwan laga Maqlay duleedka Magaalada Laascaanood oo ay isku hor fadhiyaan ciidamada Somaliland iyo kuwa degaanka
Madaafiic ayaa sidoo kale la soo sheegayaa iney ku habsatay meelo kamid ah magaalada Laascaanood, waxaana madaafiicda qaarkood ay ku dhaceen Guryo iyo Goobo Ganacsi inkastoo badi dad magaaladaas ku noolaa ay ka barakaceen
Dagaalka Laascaanood oo galay todobaadkii labaad xili Madaweynaha Somaliland uu sheegay inuu ergo nabadeed oo ka tirsan odayaasha dhaqanka u dirayo magaalada Laascaanood si ay wadahadal ula galaan Garaadada gobolka Sool.
