Labo qof ayaa ku dhintay, 3 kalena wey ku dhaawacmeen Qarax saaka ka dhex dhacay Gudaha Tareenka Jaffar Express oo marayey Degmadda Chichawatni ee Gobalka Punjab ee dalka Pakistan.
Afhayeenka Hay’adda Tareenadda dalkaasi, Babar Ali ayaa xaqiijiyey dhacdadaasi, balse waxa uu xusay inaan weli la ogaanin waxa sida Rasmiga u dhaliyey Qaraxaasi.
Waxa uu tilmaamay in Madaxda Hay’adda Tareenada soo gaareen goobta uu Qaraxu ka dhacay, lana filayo inay Faahfaahin dheeraad ka bixiyaan Shilkaasi
Baarayaasha Dembiyadda waxay isku gedaameen halka uu Tareenku ku qabsaday Qaraxa, iyadoo Ciiddanka Waaxda La-dagaalanka Argagixisada ay bilaabeen inay ururiyaan haraaga waxa sababa Qaraxa.
Muuqaalo laga soo qaaday goobtaasi ayaa la arkayey Saraakiisha Boliska iyo kuwa Waaxda La-dagaalanka Argagixisada oo ku hawlan raad-raaca Qaraxa iyo Xog-ururinta Rakaabka la socday Tareenka uu Qaraxu ka dhex dhacay.
Xafiiska Shabakada Allbanaadir.com
Muqdisho Somalia
Allbanaadir@live.com
