Allbanaadir.com
JUBALANDNEWS

Ciidamo Huwan ah oo la wareegay Deegaan Al Shabaab Saldhig weyn ku lahaayeen

Ciidanka milatariga Soomaaliya oo garab ka helaya ciidamada daraawiishta maamulka Jubbaland ayaa dagaal kula wareegay deegaanka Qunbi oo hoostaga degmada Afmadow ee gobolka Jubbada Hoose.

Saraakiisha ciidanka hoggaamineysay ayaa sheegay in deegaanka Qunbi Al Shabaab ku lahaayeen saldhig weyn oo milatari, waxa ayna saraakiisha sheegeen in Al Shabaab deegaankaasi jab xooggan lagu gaarsiiyay.

Ciidanka deegaanka la wareegay oo ka baxay deegaanka Janaay Cabdalle ayaa saraakiisha hoggaamineysa sidoo kale sheegeen in Al Shabaab kasoo furteen hub iyo saanad ciidan kale oo ay uga carareen deegaanka Qunbi.

Deegaankan ciidamada la wareegeen iyo deegaanno kale oo ku dhaw dhaw ayaa waxaa ka socda howlgalo ay wadaan ciidanka milatariga Soomaaliya iyo kuwa daraawiishta Jubbaland, waxa ayna saraakiisha ciidanka sheegay in ay sii baacsanayaan Al Shabaab.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Hool xaflad aroos ka socotay oo kuyaala Muqdisho oo caawa dumay (Daawo Sawirada)

Cabdi Cade

Taliyaha booliiska Jubbaland oo lagu daweenayo Isbitaal kuyaalla Muqdisho iyo Axmed Madoobe oo booqday (Sawirro)

Cabdi Cade

War cusub oo ka soo kordhay canugii maalmo ka hor laga xaday Isbitaalka SOS (Sawirro)

Caydiid Ali
Taboola Ads ---