Riyadii waddanka Sucuudiga ee ahayd inuu martigeliyo Koobka Adduunka 2030 ayaa loo dhigayaa dabin lagu dilayo, waxaana soo baxay afar waddan oo iskaashanaya oo doonaya inay dib usoo celiyaan xasuusta taariikh 100 jirsatay oo ay tahay in dib loogu laabto.
Sucuudiga ayaa lacago tobannaan bilyan oo dollar ah u diyaariyey ololaha uu u gelayo martigelinta Koobka Adduunka, sidoo kalena waxay diyaar la yihiin in ay boqollaal bilyan ku kharash gareeyaan dhismaha garoomo cusub iyo casriyeynta kuwa ay waqtigan haystaan.
FIFA ayaa go’aamin doonta dalka martigelin doona Koobka Adduun ka ee toddoba sannadood kaddib, iyadoo midka soo socda ee 2026 lagu qaban doono waddamada Maraykanka, Mexico iyo Canada oo wada-jir u martigelin doona.
100 sannadood ka hor ayaa waxa Koobka Adduunka martigelisay Uruguay oo dhamaan kulamadiisii lagu ciyaaray caasimadda dalkaas ee Montevideo, waxaanay ku guuleysteen isla koobkaas oo ay hadda doonayaan in boqol sannadood kaddib ay martigelintiisa wax ku yeeshaan.
Waxa kale oo koobka Adduunka 2030 u tartamaya inay martigeliyaan wddamada Spain iyo Portugal oo doonaya inay wada-jir u qabtaan, halka Ukraine ay iyaduna gaarkeeda u doonayso. Waxa kale oo tartanka ku jira Masar, Giriigga iyo Sucuudiga.
Xafiiska Shabakada Allbanaadir.com
Muqdisho Somalia
Allbanaadir@live.com
