Guddoomiye ku-xigeenkii Somaliland ee Gobolka Sool Saleebaan Diiriye Cabdi ayaa sheegay inuu iska casilay xilkii uu u hayay xukuumada Somaliland, isaga oo masuuliyiinta kale ee deegaanka kasoo jeeda ee xilalka hayana ugu baaqay in ay is casilaan.
Saleebaan Diiriye Cabdi oo warbaahinta la hadlay ayaa ku eedeeyay Somaliland ineyu geysatay xasuuq ka dib markii madaafiicdii lagu garaacay magaalada Laascaanood ay waxyeelo dhimasho iyo dhaawac leh u geysteen dad shacab ah.
Waxaa uu waxba kama jiraan tilmaamay wararka Somaliland ay faafisay ee sheegaya in kooxo argagixiso ah ay kula dagaalameyso Laascaanood isagoo xusay in dagaalka uu u dhexeeyo shacabka degaanka iyo ciidamo ka amar qaata maamul doonaya inuu xoog ku qabsado degaankooda.
“Waxa aan caddaynayaa ma jirto argagixiso waxa dagaallamaya ciidanka Soomaliland iyo dadkii deegaanka, anigana dagaalka ayaan ku biirayaa, xalka waa inuu Muuse la baxo ciidankiisa” ayuu yiri Saleebaan Diiriye Cabdi.
Mas’uulkan iscasilay ayaa dhawaan waxay Soomaliland u magacawday gudoomiye ku xigeenka gobolka Sool, waxaana hadalka masuulkan uu ku soo beegmayaa xili uu maalintii dagaal ka socdo magaalada Laascaanood.
Xafiiska Shabakada Allbanaadir.com
Muqdisho Somalia
Allbanaadir@live.com
