Dhawaqa rasaasta iyo daryanka madaafiicda ayaa maalintii afaraad laga maqlayaa magaalada Laascaanood ee gobolka Sool halkaasoo ay sadexdii cisho ee la soo dhaafay ku dagaalamayeen ciidamada Somaliland iyo kuwa degaanka ee SSC.
Sida wararku nagu soo gaarayaan dagaalka saaka ayaa dib u qarxay markii ciidamada Somaliland ay weerar ku qaadeen saldhig ay ku lahaayeen degaanka Goojacadde oo shalay laga qabsaday.
Saldhiga Goojacadde ayaa ku yaalla meel 5 km woqooyi ka xigta magaalada Laascaanood, waxaana la sheegay in ciidamada Somaliland ay saaka ku soo dagaal galeen taangiyo iyo hub kale oo ka culus kii ay maalmahan ku dagaalamayeen.
Madaafiic iyo rasaas habow ayaa la soo sheegayaa iney ku dhaceyso bartamaha magaalada Laascaanood oo dadkii degenaa intooda badan ay ka qaxeen maalmihii la soo dhaacay.
Xoogaga SSC oo gacanta ku heysa magaalada ayaa iska caabinaya ciidamada Somaliland si aysan gudaha u soo gelin welina ma jiraan calaamadao muujinaya in dagaalka lagu kala adkaanayo ama loo helayo xal kale, iyadoo labada dhinac ay dhegaha ka fureysteen baaqyo gudaha iyo dibeda kaga yimid oo ahaa in dagaalka la joojiyo.
Xafiiska Shabakada Allbanaadir.com
Muqdisho Somalia
Allbanaadir@live.com
