Xiisad dagaal oo la xiriirta diiwaan-gelinta doorashooyinka muranka uu ka taagan yahay ee qof iyo cod ayaa ka aloosan saaka magaalada Garowe caasimada Puntland.
Ciidamo ka tirsan kuwa Puntland oo diidan barnaamijka diiwaan-gelinta ayaa ku hareeraysan goobo loo qorsheeyay in lagu diiwaan-geliyo dadka
Tacshiirad goos goos ayaa laga maqlayaa nawaaxiga Jaamacadda PSU iyo dugsiga sare ee Gambool oo ka mid goobaha loo asteeyay diiwaan-gelinta halkaasoo ay isku hor fadhiyaan ciidamo diidan diiwaan gelinta iyo daacad u ah maamulka Madaxweyne Deni.
S/Guuto Jimcaale Jaamac Takar oo hogaaminaya Ciidamada diidan diiwaan-gelinta ayaa habeen ka hor digniin u jeediyay maamulka Saciid Deni.
Sida wararku sheegayaan Deni oo ku sugan magaalada Boosaaso ayaa amar ku bixiyay in la sii wado diiwaan-gelinta.
Shacabka magaalada Garowe ayaa ka walaacsan xiisada colaadeed ee ka taagan magaalada, iyagoo ka cabsi qaba in lagu dul dagaalamo.
LA SOCO WIXII SOO KORDHA
