Ciidanka milatariga Soomaaliya oo garab ka helaya ciidamada maamulka Jubbaland ayaa howlgal qorsheesay oo ay ka fuliyeen deegaanka Janaay Cabdalle waxa ay ku dileen dagaalyahano katirsanaa kooxda Al Shabaab.
Saraakiisha ciidanka hoggaamineysay ayaa sheegay in howlgalka intii uu socday ay dileen afar dagaalyahan katirsan Al Shabaa, waxaana raga la dilay sheegeen saraakiisha in u uku jiro sargaal Al Shabaab u qaabilsanaa deegaanka Janaay Cabdalle oo lagu magacaabayay Xasan Cadde.
Afhayeen u hadlay ciidanka Jubbaland ayaa sheegay in howlgalka lagu dilay xubnahan katirsan Al Shabaab sidoo kale lagu burburiyay fariisimo uu sheegay in ay lahaayeen dagaalamayaasha Al Shabaab.
Ciidanka dowladda iyo kuwa maamulka Jubbaland ayaa dhawwaan Al Shabaab kala wareegay deegaanka Janaay Cabdalle oo kuyaalla inta u dhaxeysa magaalooyinka Kismaayo iyo Afmadow, deegaankan ayaana sannado badan fariisin u ahaa Al Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
