Guddiga KMG ee doorashooyinka kuraasta ka bannaan Baarlamaanka 11aad ee federaalka Soomaaliya ayaa shaaciyay jadwalka iyo habraaca loo marayo doorashada kursiga summadiisu tahay HOP#147.
Doorashada kursigan HOP#147 uu horey ugu fadhiyay taliyaha ciidamada Nabad sugida iyo sirdoonka Qaranka Mahad Salaad ayaa lagu wadaa in ay ka dhacdo magaalada Dhuusomareeb 1-da bisha Febraayo ee sannadkan 2023.
Kursigan doorashadiisa ayaa xogaha aan heleyno sheegayaan in loo xiray shaqsi ay wataan madaxtooyada Soomaaliya iyo taliyaha NISA Mahad Salaad, doorashada kursigan ayaana noqon doonta mid lamid ah tii horey ugu soo baxay looguna xiray Mahad Salaad.
Doorashada kuraasta ka bannaan golaha shacabka uu ku jiro kii uu kusoo baxay loona diiday Fahad Yaasiin ayaa sidoo kale la filayaa in dhawwaan la qabto, waxaana kuraasta bannaan dhammaan la filayaa in ay kusoo baxaan xubno ay wataan Damul Jadiid.
Xafiiska Shabakada Allbanaadir.com
Muqdisho Somalia
Allbanaadir@live.com
