Waxaa goor dhow abaare 1:30am saq dhexe lagu guuleystay in xakameeyo dab xooggan oo caawa qabsaday qeybo ka mid ah Suuqa Bakaaraha ee magaalada Muqdisho.
Shacab kaashanaya laamana ammaanka ee dowlada iyo gaadiidka dab demiska ayaa ku guulaystay inay xakameeyaan dabkii labo saac ka hor ka kacay bartamaha Suuqa Bakaaraha.
Dabka oo ahaa mid xooggan isla markaana ay garab siinaysay dabayl xilligan magaalada ka dhacaysa ayaa gallaaftay meelo badan oo ka mida suuqa sida Dahabka, maacuunta, harqaanlayaasha iyo Tafaariiqda.
Inta badan dabka ayaa haatan la dembiyey, waxaana weli holcaya meelo kooban oo haatan lagu dedaalayo in la demiyo sida ay sheegayaan goob joogayal suuqa ku sugan.
Ganacsato fara badan ayaa la xaqiijyey iney ku hanti beeleen dabkan caawa qabsaday Suuqa Bakaaraha inkastoo aan la ogeyn illaa hadda qiyaasta hantida ku gubatay Suuqa.
Taliyaha Qeybta Guud ee Booliska Gobalka Banaadir Gaashaanle sare Macalin Mahdi oo Ku sugan Goobta Dabku ka kacay ee suuqa Bakaaraha gaar ahaan Qeybta dahablaha ayaa ciidanka amniga ee Booliska faray in ay sameeyeen feejignaan dheeri ah inta lagu jiro daminta Dabka oo haatan xoogiisa la damiyay.
